林頴彤翻撻容天佑驚阿媽鬧
無綫藝人林頴彤（Bella）昨日到尖沙咀為「香港貿發局家品、紡織品、禮品、印刷及包裝展新聞發布會」擔任司儀。主持《安樂蝸》已有六年時間的Bella參觀了很多別人的蝸居，她笑言甚有參考作用：「學到點樣收納嘢，我鍾意簡約風，始終香港人好多都屋仔細細，增加空間好緊要。」
講到最近被拍到跟藝員容天佑復合，問到有否告知媽咪？Bella笑說：「佢睇報道知道，但之前都講咗佢聽，驚驚呀！（媽咪話過唔鍾意佢喎！）係嘅，媽咪叫我畀心機做嘢，有訓示吓，話女仔青春好重要，我會檢點啲。（喺街保持距離？）係啦！（都係覺得佢最好？）觀察吓，大家幫我觀察住佢。（媽咪唔鍾意佢啲乜？）冇話針對啲乜，只係想我放多啲時間做嘢，驚我分心。（唔敢帶返屋企？）嘩！有排嘅事，唔敢呀！你問我都腳軟。」
