鍾楚紅慧眼買字畫點升都唔賣

鍾楚紅（紅姑）、內地女星高圓圓、EXO成員張藝興（Lay）、法國女星柯德莉塔圖（Audrey Tautou）、荷里活「蜘蛛女」姬絲汀鄧絲（Kirsten Dunst）與日本名模長谷川潤等前晚出席Chaumet在北京舉行的Chaumet World派對，現場展出品牌經典作品，紅姑戴上品牌逾五百六十萬的首飾示人，明艷照人。

雖然紅姑只逗留北京三日，已計劃去書局打書釘，又想到頤和園看玉蘭花：「以前我會去琉璃廠街同行胡同，我好鍾意四合院，當年差啲買咗，如果當年買到就發達。（點解冇買？）因為有好多條例，唔係咁簡單就可以買。我每次見到四合院就流口水。」

擁清朝皇帝真迹

紅姑又謂喜歡在內地購買字畫，她自豪地說：「我買過好有名望畫家嘅作品，仲有清朝皇帝嘅真迹。（有邊位名畫家作品？）趙少昂，不過當年買好平，但升唔升值唔關我事，我唔係投資，我唔會賣。（多唔多收藏品？ ）都唔少，但唔係多到可以開展覽，而且我都唔敢，我收藏係自己開心，唔係畀人睇。（有冇朋友叫你割愛？）都有，但我唔會賣，所以全屋都係嘢，都唔知點算。」

鍾楚紅自言對藝術品有研究，比時裝跟得更貼。	鍾楚紅與姬絲汀研究首飾。	張藝興打晒煲呔型爆亮相。

圓圓肚扁身材Fit

提到有眼光，紅姑更感自豪：「我得一對眼，但都幾proud of自己，我成日都去博物館，好鍾意藝術，喺藝術方面跟得幾貼，比時裝跟得更貼。」而高圓圓穿上火紅貼身珠片露背晚裝，佩戴逾一千八百萬的首飾，她出場時甚哄動，之前盛傳圓圓懷有身孕，雖然沒有受訪，但見她身材Fit爆，小腹扁平，以行動澄清懷孕傳聞。