玄學星相：林家棟有桃花星照 爭影帝壓梁家輝

影壇盛事《香港電影金像獎頒獎典禮》即將舉行，其中影帝、影后鬥得難分難解！東網巨星節目《玄學星相》最新一集邀得堪輿學家陳子才，以玄學角度預測賽果。今屆影帝爭持激烈，首獲男主角提名的林家棟被視為賽前大熱，但曾四奪金像影帝的梁家輝亦不容忽視，究竟邊個贏面較大？陳子才說：「佢哋都係五行屬土，屬土嘅人喺今年特別有攞獎運，但當中兩位都有分野！林家棟屬陽嘅土，而梁家輝屬陰嘅土，本身已經有啲差異，加上林家棟有一粒『天喜桃花星』，即係佢嘅表現容易受人認同或喜愛。相反，屬雞嘅梁家輝今年犯太歲，呢方面要減少少分，睇落林家棟較大機會贏。」