周美欣以和為貴參賽冇交嗌
藝人周美欣前晚出席《亞洲超級名模生死鬥》第五季派對，席間有機會與超模Cindy Bishop見面集郵，她笑說：「成日睇佢節目，真人比上鏡後生，皮膚好好、好緊緻，佢係一個好nice嘅人。」
曾奪港姐季軍的周美欣兩年前在新加坡參加過該節目第三季比賽，她笑說：「美國版由細睇到大，嗰陣係自由身，所以就上網報名參加，最深印象係要做心理測驗，睇吓你有冇心理變態，因為成班女仔要住埋一齊。（有冇同其他女仔嗌交﹖）冇，我份人好隨和，年紀又係第二大，成日就睇住啲妹妹仔嗌交，自己之前未做過model，最後入到十強已經好滿意。」