黃榕為男友推Job三點不露
性感女星仙樂都與黃榕昨日參加九龍城潑水節。擁一半泰國血統的仙樂都，分享潑水節趣事：「試過好狼狽，講講吓嘢畀人向塊面潑水，搞到成口都係水，又試過畀人用水槍射到甩咗眼睫毛，變咗大細眼！」談到她曾自爆到天王郭富城家為他做按摩，而對方即將結婚一事？她即煞有介事表示已很多年冇聯絡，並祝天下有情人終成眷屬！
而黃榕早前推掉以台灣富二代李宗瑞慾照事件為題材的電影，皆因戲中尺度太大膽，要露兩點：「我半點都唔露得，拍咗連男友都冇埋。」續自爆近日與運動型的大隻男蜜運中，二人是做運動認識的，大讚男友對她很好，問到是否視對方為結婚對象？她甜笑謂：「唔可以咁快講定，驚佢得戚，佢都唔鍾意我接拍呢啲戲。我依家學緊泰拳，想向演員方面發展，想做打女。」