歌手湯鍾斯（Tom Jones）前日現身歌唱真人騷《完美SING戰》（The Voice）決賽，擔任導師的他聽到主持宣布勝出者後，難掩興奮地爆粗：「FⅩⅩk me.」由於節目直播出街，滅聲都滅唔切！主持人即替湯鍾斯向觀眾致歉。除了爆粗事件，亦有男粉絲突然高舉紙牌衝上台，在場保安見狀即趕走對方，嚇到珍妮花赫遜（Jennifer Hudson）O嘴。
另外，湯鍾斯近日受訪時自爆結婚59年的太太Linda去年因癌症離世，他一度大受打擊，經常躲於房中，直至見治療師時，才聽取對方勸告：「停止工作就等於死，我死咗先會唔再做。我唔會長時間休息唔做嘢，我唱歌嘅時候感覺更加開心。」