滕麗名尼泊爾行山失聯兩日嚇死老公
無綫藝人滕麗名早前先後去日本和尼泊爾旅行，玩足1個月。昨日她現身電視城試造型，宣布加盟處境劇《愛．回家之開心速遞》，飾演劉丹的大女兒，能夠與一眾新知舊雨合作，阿滕表示相當興奮。
談到尼泊爾之旅，她可謂嚇死老公：「我同幾個朋友去行山，先試行海拔3,178米、算冇咁高嘅Poon Hill，感受吓啲稀薄空氣先。導遊讚我行得唔錯，點知行山嗰5日，有兩日因為手機冇信號以致失聯，真係嚇死我老公！我諗緊等10月《愛》劇煞科後再去多次，今次會挑戰高峰！其實我老公唔係咁贊成，不過我會堅持囉，覺得應該趁仲有氣力去多啲、行多啲，嗰度真係好靚。（如果劇集添食點算？）咁開工行先，今年去唔到咪下年囉。」
阿滕又搞笑指老公與友人下個月出發到阿拉斯加滑雪：「佢咪仲危險！我都畀佢去啦。我係喺尼泊爾扭親，老公緊張到捉我去睇醫生檢查，好彩真係冇乜大礙。」
文：影視組