黃淑玲戴黑超襯衫遮素顏
馬來西亞小姐冠軍黃淑玲（Sherine）平日最愛與RubberBand成員老公阿正四處旅遊，每次去到陽光燦爛的國家都必定會有太陽眼鏡傍身，不但可遮擋陽光，亦能當作小飾物為造型加分，她笑說：「最重要係可以遮住冇化妝嘅素顏，就算冇化妝都好似Dress up咗咁！而且又易襯衫，無論係輕便造型、連身裙定型格外套都得，真係好方便！」她又愛把太陽眼鏡架在頭上當作頭飾，不但可以整理散亂的頭髮，又可以令造型變得時髦。
服裝方面，Sherine首選大熱的Biker Jacket，貪其易於配襯：「就咁着已經好型，或者裏面襯斯文少少嘅恤衫款，又會着出另一種感覺，而且有收身效果，係Must have item！」
