蘇麗珊細心照顧兩個囡

24歲藝人蘇麗珊接受ViuTV節目《全職媽媽放大假》挑戰，化身保母照顧分別5歲及4歲的兩姊妹，一邊應付家務及小朋友生活，又要處理爸爸與女孩的飲食，她坦言難度甚高！兩位小公主每天早上都會扭計喪喊，蘇麗珊即出絕招細心幫兩人紮辮，而她送兩女返學時抱一個拖一個有點狼狽！蘇麗珊笑言這七日經歷很難忘：「同小朋友相處最重要花時間投入佢哋嘅世界，投其所好就自然成為好朋友！（準備埋飲食難唔難？）呢樣反而冇難度，因為我喜歡煮嘢食！（最難忘邊幕？）最後一日我同兩姊妹去機場接佢哋媽媽，佢哋知道大家要分別，突然攬實我喊，估唔到佢哋咁黐自己！」