徐天佑卡通聲 嗌到出血！

男子組合Shine成員黃又南及徐天佑昨日到青衣出席配音動畫電影宣傳，天佑今次聲演精靈，感覺很不同：「不停喪嗌搞到聲沙，原本每日開八個鐘，但我哋亂咁嗌，幾個鐘就收皮，Feel到聲帶出血，腥腥地。（好傷聲？）電影公司有畀我哋早啲抖，導演又睇住我哋，第二日有雪梨茶慰勞。」他們指與一同配音的蔡卓妍（阿Sa）齊齊嗌到走音，又南說：「但阿Sa話冇乜難度。」已婚的天佑若將來做父親可用卡通聲講故事：「訓練定，身邊朋友做咗老竇都變到好Cute。（幾時生BB？）冇咁快。」