林欣彤街頭賣唱 一波三折
歌手林欣彤（Mag）與張彥博（Bob）日前到尖沙咀玩Busking（街頭賣藝），為悼念逝世14年的哥哥張國榮，二人特意選唱多首哥哥的經典歌曲，有網民留言封二人為「老表新組合」，而Bob則搞笑稱二人是「MagaBob」，即「Mag加Bob」。
不過，是次Crossover Busking可謂一波三折，先後經歷「爆咪」、「忘記歌詞」及「iPad冇電」等難題，但憑二人努力，所有問題最終都迎刃而解。談到哥哥，Mag感性地說：「我鍾意哥哥，因為佢真心對待每一個舞台、每一位觀眾，我希望我哋都可以做到咁真。」又不忘多謝Bob：「所有嘢都係喺佢錄音室即刻夾，佢好認真諗應該彈啲咩，同埋佢好細心，唔會放棄每一個細節。」她揚言會請食飯表謝意。