藝人林熹瞳昨日出席電台訪問，提到被誤傳與黃玉郎結婚時笑說：「我前兩日先寸咗佢！每次爆緋聞都燒埋我嗰疊。」又坦言已單身一段時間，雖現時努力為事業衝刺，但有擔心嫁唔出：「如果過咗適婚年齡同生仔年齡，我諗定咗會領養小朋友。（雪卵？）唔會喇！又唔知出嚟嘅小朋友會唔會好健康，我要對下一代負責任。」
