湯怡帶淚摷垃圾
歌手洪卓立（Ken）昨日到電台宣傳新歌《帶着骨灰去旅行》，卻自爆近日是帶着眼淚去生活，因為他在新人時期所奪的獎座不小心被丟掉，而「兇手」正是女友湯怡（Kathy），他苦笑說：「我將之前拎到嘅新人獎座放晒喺屋企，近日要搬屋執嘢就拎番出嚟，有一箱嘢我話唔要，但Kathy就誤會咗係獎座嗰箱，佢就全部幫我丟晒。」
Ken晚上回家驚見所有新人獎項都不見了，即嚇得目瞪口呆：「Kathy知道丟錯咗都即刻落去垃圾房搵，跟住喊晒返嚟……佢第二朝起身後再落去搵都冇，佢話唔夠膽返屋企。」雖然他失去獎座也心情低落，但仍不忘安慰女友：「我就話再攞過啲獎囉，但其實新人獎冇得再攞過。」問到女友近日可有變得小鳥依人？Ken笑說：「好咗，冇乜黑面。」又指經此教訓後，以後會在箱子上寫清楚是甚麼，丟垃圾也不會假手於人。
內疚失眠
湯怡昨日在電話中表示感內疚，她說：「一講起就想喊，超內疚同瞓唔着。（丟咗幾多個獎？）唔好提喇，知道啲獎對佢好重要，唔知點彌補，知道佢扮冇嘢令我舒服啲。」隨即自責說：「都係自己唔小心，令我個心好過啲，就係叫佢攞其他獎代替。」
文：音樂組