堅持追夢洪嘉豪儲歌自薦

獨立唱作新人洪嘉豪2014年讀畢香港演藝學院音響設計課程後，曾從事幕後音響工作，但熱愛唱作的他堅持追尋夢想，去年正式推出屬於自己的歌曲。尚是自由身的他仍未簽經理人公司，坦言最困難是當初未遇到知音人：「作曲同填詞由自己出發，係屬於你個人嘅歌，但冇其他人嘅意見，唔知邊度做得好同唔好。之後遇到幾個有熱誠又未成名嘅幕後音樂人一齊做，希望做夠歌，做好個profile先向唱片公司自薦。」洪嘉豪表示去年已辭去工作，僅靠剩下的積蓄及出騷外快維生：「主要出酒吧騷、婚禮同活動，暫時未有人搵我唱自己歌，都係翻唱外國甜蜜蜜嘅歌。」為追夢而賺少了錢，他坦言值得：「我覺得做一樣自己鍾意又有滿足感嘅事，會更加畀心機去做。做完一首歌，佢一世都會喺度，唔會好似搵咗啲錢，使完就冇咗。」