張可義沙巴大解放惹艷遇

模特兒張可義（Emily）近日孖好姊妹到沙巴度假，享受陽光與海灘，更性感「大解放」，穿上火辣三點式玩水，相當養眼！Emily笑言在當地有不少艷遇：「嗰幾日遇到唔少當地人都好熱情，不時走嚟同我哋傾偈，話想做個朋友，有間民宿嘅屋主仲揸埋超跑，主動帶我哋去玩，估唔到我喺當地咁好行情！（有冇下文？）有交換社交網做朋友，但始終我哋係遠距離，所以冇進一步發展。」
身材咁Fit，唔怪得咁多人撩Emily啦！
身材咁Fit，唔怪得咁多人撩Emily啦！

此外，Emily提到當時差一點未能上機飛抵沙巴：「當日我去到機場，點知航空公司話冇我嘅訂單，原來係旅遊訂購網冇幫我訂機票。事後我據理力爭，間公司先肯退錢畀我買張新機票，嗰日差少少唔可以飛，真係好驚險！」

Emily此行仲去咗牧場玩，餵牛牛飲奶。
  • Emily此行仲去咗牧場玩，餵牛牛飲奶。