倪晨曦冇符搵救兵黎紀君燒到40℃
「宅男女神」倪晨曦（Elva）、黎紀君（Christy）及梁諾妍（Inez）最近拍節目做七日保母，負責照顧小朋友起居飲食，慈母上身但仍被玩謝，Christy捱到病，Inez做苦力，Elva面對男孩爆喊冇晒符！
倪晨曦、黎紀君及梁諾妍在ViuTV真人騷節目《全職媽媽放大假》中充當七日保母，分別照顧不同家庭小朋友的起居飲食、接送返學放學、陪他們玩耍及做功課，體驗母親全日無休的忙碌生活。
曾幫胞妹湊BB的Elva在節目要照顧一對三歲及兩歲小兄妹，她直言比起其他家庭算是易處理，加上幼童功課不多，相對有較多玩樂時間，過程樂多於苦，她說：「我撒手鐧係用美食，佢哋一唔開心就拎食物出嚟，通常氹得到，係中間有一日哥哥突然爆喊，喊到收唔到聲，可能係有少少感冒，我冇晒符，要搵佢爹哋求救。」
梁諾妍做苦力
Inez及Christy要共同照顧分別1歲、4歲、8歲及10歲的四兄弟姊妹，Christy身兼「煮婦」，運動健將Inez則主力做苦力，忙到一頭煙，10歲哥哥坐唔定又不肯做功課，令兩人崩潰！Christy笑言與8歲妹妹很投契，兩人都喜愛唱《Let it go》，不過兩兄妹的衝突也很難處理：「我勸交見到妹妹喊，自己都喊埋，嚇親攝影師。」拍攝期間Christy更捱出病來，發高燒至攝氏40度要睇急症：「好窩心10歲哥哥知道之後幫我執背囊，佢好Cool，關心人得嚟仍然要型。」
想35歲前生BB
充當保母一星期，三人更覺將來要做個好母親榜樣，並希望35歲前生BB，Christy說：「結婚生仔對我仲好遙遠，我係會生嘅，但拍完節目覺得一對伴侶關係仲重要，搵到另一半先啦！」Elva則笑說：「我順其自然，冇壓力，媽咪已經有得湊妹妹嘅小朋友。」
文：立影
攝：李柏儒
倪晨曦服裝：Sportmax code
梁諾妍服裝：5cm @ ithk
黎紀君服裝：Chocoolate @ ithk
場地：香港銅鑼灣皇冠假日酒店Club @ 28