黃日華開通外父等抱孫
藝人黃日華昨日以「關愛大使」身份出席領展「泊食易」手機應用程式導盲犬活動，在台上分享當年與老婆舉辦慈善晚宴紀念銀婚，善款就是捐予導盲犬協會，其中一隻導盲犬由黃日華命名為「Memory」。他透露家中有兩隻愛犬，是早年領養回家：「以前會買寵物，近年主張領養，因為知道被遺棄嘅動物會人道毀滅，好殘忍！」
談到女兒黃芷晴計劃與男友結婚，但要過爸爸一關，廿四孝老竇的他坦言一切由女兒決定：「唔使過我嗰關，27歲大個女，畀佢自己決定，最緊要佢鍾意。（未來女婿好高分？）從來冇話啲咩準則，終身大事應該畀自由度，依家唔係封建年代。（恨抱孫？）順其自然，有就開心，不過到時壓力會大啲，要幫手湊孫。」他亦表示早前一家與未來女婿旅行，大家關係更進一步。
