顏卓靈公開Share男友

藝人顏卓靈（Cherry）昨日首次以歌手身份現身新歌發布會，期間獲高層送上價值六位數的咪。受訪時，Cherry透露這幾天心情非常緊張，當提到被男友白只於電台節目內公開大讚，問到可有叫男友畀意見，她即冧爆說：「佢好少公開讚我。其實Keep住錄音佢都有聽，都係話好正，同埋叫我試吓作曲。（會同男友Crossover？）你哋幫我問佢啦！佢哋（組合朱凌凌）好有性格（口架）！」至於談到公司特別製作空白記事簿派發，記者笑指Cherry將男友「白紙」同大家分享，她搞笑說：「本身都好鍾意白紙呢個字，每日都好似白紙咁開始都幾好，依家一講起『白紙』呢個字都好尷尬！」