藝人張彥博（阿博）近年憑劇集《一屋老友記》而人氣直線上升，社交網站嘅追蹤人數仲高達10萬人添！除咗因為演技出色之外，佢一張童顏亦都係大眾關注嘅焦點。唔好以為阿博只係演員咁簡單，其實佢係樂隊出身，真係多才多藝o架，仲經常都會喺社交網站上載影片同相，好多時都會見到佢彈結他同彈琴。
唔知阿博係咪特別鍾意結他，近日佢又同網友分享彈結他嘅片。雖然阿博只係對住隻驢仔公仔彈結他，但係佢一啲都冇欺場，而且周不時望吓鏡頭。去到片尾，阿博仲要對住鏡頭笑咗一下添！好多網友都話佢好煞食，仲話男人認真嘅樣係最吸引。