陳敏之頂到行伍詠薇：佢係時候泵奶

藝人陳敏之於中環四季酒店為兒子雷子樂舉行百日宴，出席好友包括伍詠薇夫婦、黃宗澤（Bosco）、郭羨妮（Sonija）、胡杏兒及梁烈唯等。現場筵開廿二席，以氣球造成的旋轉木馬及Bear Bear熊作布置，枱上更有BB、猴子造型Cupcake，相當童話式。敏之穿着閃爆的露肩晚裝示人，子樂則穿上粉色西裝仔，淡定又萌爆。

敏之受訪時，被問到花費多少，她謂：「值得嘅！我結婚都冇擺酒，反而百日宴覺得好緊要，因為我好愛佢。（用咗七位數字？）冇咁多，除咗酒席，好多都有贊助。」又直言想再追B：「但其實都幾攰，又要開工，等BB大個啲先再諗！之前開刀生B，起碼一年後恢復番先再諗。」

介意被叫大姨媽

而敏之的「家姐」伍詠薇在現場遭敏之從後攬着，抵死的她唱出「Beauty And The Beast」，意指自己是野獸，敏之是美女，認真好姊妹！伍姑娘又笑言：「佢個胸頂得我好行，係時候泵奶嘞！」問到送甚麼禮物給BB時，伍姑娘謂：「都係畀錢，之前佢出世送咗禮物，BB唔會咁貪心，係父母貪心啲，佢乖嘅話一路長大，一路鼓勵佢。（你係大姨媽？）係，我係大姨媽，但係我唔係好鍾意呢個名，唔好喺街咁叫我。（同BB講性教育？）一百日啫，佢媽咪都好識教啦！」

子樂穿上粉色西裝，萌爆示人。	Bosco自言唔急生B。	久未露面的郭羨妮（左）與陳倩揚（右）盛裝到賀。

Bosco遇杏兒零尷尬

而同場的Bosco被問何時到他搞百日宴時，他謂：「未咁快，小朋友係好大工程，我唔係講造人嗰個工程，係教、養同湊！」說到將來有機與日籍女友生中、日混血兒時，他謂：「諗吓先，有喜事會通知大家，唔使戥我心急。」說到與舊愛杏兒同場，他說：「睇吓佢一陣坐邊，同佢打個招呼！（唔尷尬？）仲尷尬？尷尬我就唔嚟啦！」

文：影視組