7位數都唔吼！袁嘉敏喪推百個飯局
藝人袁嘉敏昨日錄影ViuTV節目《晚吹－捲上你的床》，收起性感僅晒長腿，比同場谷盡事業線的主持崔碧珈及余逸思密實得多。今集以「拜金女」和「軟飯男」為題，袁嘉敏即否認拜金，更自言近兩年推卻了100單「飯局」，她說：「我冇去過。（最多開幾錢？）都有7位數！但我覺得係玩電話，例如佢會叫你自己買張機票、帶個助手去重慶，話落咗機有車接。」
至於崔碧珈則自爆16歲時曾與「軟飯男」拍拖，對方更有暴力傾向，經常對她拳打腳踢，分手亦因為對方推她落山：「我喺醫院瞓咗兩個月，出院都要用拐杖。（佢點打你？唔報警？）唔識（報警）呀！佢主攻我面以下，會推我落地，係咁用腳踩我。」
