小方唔諗翻撻阿嬌：十九幾年前仲提？
曾同遊瑞士的過氣緋聞情侶鍾欣潼（阿嬌）與方力申，前晚同場出席頒獎禮，但前後腳到場。二人表示有跟對方打招呼，但阿嬌死口不認曾拍拖，小方亦眼眨眨稱只是緋聞，又避談現時有否機會拍拖，似乎沒有機會「翻撻」！而阿嬌日前在內地節目中自爆已找到「愛情飯碗」，令大家嚇一跳！
組合Twins、方力申、薛凱琪、麥浚龍、鄭欣宜、伍允龍、劉佩玥、陳婉衡與朱智賢等前晚出席頒獎禮，其中陳婉衡谷胸上陣，劉佩玥與朱智賢都露出事業線，但全晚焦點落在方力申與阿嬌這對過氣緋聞情侶身上！
二人於2004年傳出戀情，有傳二人當年一起到東京過年，2005年新年時更被拍得前後腳步出機場，其後二人坦承同遊瑞士，但沒有承認戀情。前晚他們前後腳現身頒獎禮，阿嬌大方表示有跟對方打招呼，問到可有機會復合？她死口不認拍過拖：「我都冇同過佢一齊。（依家有冇機會一齊？）唔知你講乜！」並澄清現時單身，跟內地富二代秦奮並非拍拖，亦知道對方有女友，但不會避忌：「朋友冇乜所謂。」
找到「愛情飯碗」
對於阿嬌否認拍過拖，小方受訪時眼眨眨說：「係呀！咁耐緋聞仲講？緋聞嚟嘛！十九幾年前都仲提？（依家兩個都係單身，有冇機會？）唔好……唔好……（佢啱晒你嘅條件？）我依家淨係想要清靜，想要六舊腹肌。」記者再追問他跟阿嬌可有機會？他即避談：「唔講呢啲啦！（同佢一齊做運動？）唔講緋聞啦！」
此外，講到社交平台，蔡卓妍（阿Sa）表示會睇網友留言，但若見到負評會自動扮睇唔到；阿嬌則表示很久之前已關閉留言功能，因覺得太多負能量。而阿嬌日前在內地節目上回想過去的坎坷情路時，忍不住落淚，其他嘉賓即安慰她，並祝她早日找到「愛情飯碗」，豈料她竟自爆：「我已經找到了！」令大家十分驚訝，猜測她是否已有新對象！對此，記者昨日聯絡其經理人霍汶希，她解釋阿嬌所指的其實是好姊妹阿Sa；而阿Sa日前亦在內地節目中澄清阿嬌仍是單身：「我一直希望她找到一個對她很好的人，雖然現在那個人還在路上。」
文：音樂組