陳凱琳讚鄭嘉穎好精力

藝人陳凱琳、陳瀅、龐景峰及其女友楊埕昨日一同出席「Hush Puppies x Hong Kong Dog Rescue」慈善活動，其中陳凱琳透露家中也有養狗，又指男友鄭嘉穎是愛狗之人。問她會否打算養小動物而不生小朋友？她說：「生小朋友同養小動物可以平衡，有小動物仲可以令小朋友更加有愛心！（郭富城都結婚喎，你哋都係時候？ ）唔同人有唔同嘅時間，慢慢來，我哋兩方面都冇壓力。」她力撐男友精力充沛，不擔心將來照顧不到小朋友。
陳凱琳一身露腰裝亮相，令人眼前一亮。
陳凱琳一身露腰裝亮相，令人眼前一亮。

陳瀅多狗唔多兵

同場的陳瀅攜同兩隻愛犬一同現身，提到早前被拍得與兩男一起放狗？她說：「有時間都會帶狗仔去少啲人嘅地方行吓，等佢哋keep住有做運動。（話你有觀音兵陪？）嗰兩個係朋友，喺溫哥華返嚟，佢哋唔慣香港咁多人，所以就同佢哋去沙灘囉！（你多唔多兵？）多狗啫，嚟緊都想有第三隻。」

龐景峰與女友楊埕一同出席，龐景峰表示未有時間聯絡好友卓林，說沒有見過卓林抽煙，並認為就算飲一點酒也很正常。對於卓林是否不開心才離港？他說：「唔係，佢性格比較鬼妹仔，同埋佢成長背景比較國際啲。」

陳瀅抱着愛犬出席活動，呼籲大家不要貪得意才養狗。
  • 陳瀅抱着愛犬出席活動，呼籲大家不要貪得意才養狗。
龐景峰與女友楊埕恩愛現身。
  • 龐景峰與女友楊埕恩愛現身。