不經不覺，荷里活男神里奧勒度狄卡比奧（Leonardo DiCaprio）今年11月11日就42歲生辰！近日有傳他有感自己老到走晒樣，所以每月花約20萬港元幫襯美容中心「留住青春」！據知里奧勒度除做激光療程外，又搵營養師度身訂造健康餐單，有知情者更爆料：「里奧勒度做咗美容水療多年，想盡一切辦法嚟保青春，但有樣嘢佢點都唔肯改，就係飲酒。明知飲得多會影響容貌，但就死都唔肯戒！」
里奧勒度最近與索模女友Nina Agdal一同到法國聖巴特島度假，順道賀女友25歲牛一。情場浪子的他仍未有「聲氣」要修成正果，相反其31歲前女友Bar Refaeli已再度有喜！前日Bar在社交網Instagram貼大肚照，宣布繼去年8月誕下女兒Liv後，相隔7個月再懷第二胎。
另方面，曾在1993年電影《不一樣的天空》（What's Eating Gilbert Grape？）中飾演里奧仔母親的女星Darlene Cates，上周日在睡夢中離世，終年69歲。Darlene在片中演里奧仔及尊尼特普（Johnny Depp）的母親，當年550磅的她演出令人留下深刻印象，2012年Darlene成功減去240磅復出演戲。里奧仔獲悉「母親」死訊後，第一時間在Facebook留言悼念，大讚Darlene是他最好的銀幕母親，很榮幸能合作。
文：外娛組