楊埕開P慶生兼籌款

藝人龐景峰女友、曾參選國際小姐的楊埕早前舉行生日會慶祝,同時為慈善機構籌款,她說:「嗰日好多朋友嚟支持,有啲由細玩到大嘅朋友,有啲專程喺台灣同上海嚟出席嘅朋友,成80幾人!慈善機構邀請我哋一班選美嘅女仔,4月一齊去貴州探訪留守兒童,所以我趁生日籌錢畀佢哋,出席嘅朋友都樂於捐錢,總共籌到5位數字,點知我啲朋友唔止人到捐錢,仲禮到,收咗好多禮物!」

龐景峰當日亦有出席生日會,更儼如半個男主人負責招呼嘉賓,甜在心頭的楊埕說:「幾感動o架!生日會得自己一個人搞,訂餐廳、叫朋友,好多嘢搞,男友幫咗我好多,佢幫我吹波波,一個人泵咗100個波,又安排啲人嘅座位!」