藝人蔡瀚億昨晨出席慈善跑活動時表示，最近忙於在香港及馬來西亞為新片《救殭清道夫》謝票，前日下午原本到朗豪坊謝票，因長扶手電梯（天梯）發生意外而取消：「我哋喺意外發生後到附近，塞到入唔到去，最後取消咗，之後睇新聞先知咁大件事，個心好唔舒服，希望傷者早日康復！（原本要用呢條電梯？）原本係用呢條天梯離開！到夜晚我哋返去夜場謝票，兩條電梯都封咗。」
