陳琪囝囝高大半歲未夠着1歲衫

藝人陳琪昨日出席活動，誕下幼子約5個月的她，收身漸見成效，身材已回復得七七八八，她透露囝囝現重20磅，更是高人一等：「佢係大B裏面嘅頂榜啦！醫生話佢冇超重，但就係最高，依家已經着緊1歲嘅衫。」問到可會再生一個，她耍手擰頭說：「唔生啦！二女依家準備考小學，希望佢考到同大女一間，生小朋友好大責任，我老公都話唔生啦！」她指囝囝大得快，有些衣服着一兩次便不合身，故打算捐出。談到老公胡諾言最近到橫店拍新劇《天命》一個月，她說：「個女喺爸爸飛咗第二日就話好掛住，好彩依家可以視像電話傾偈，我就負責拎電話。」