李佳芯掃貨唔用袋趕餵男友

樣靚身材正又有演技的李佳芯（Ali），近年備受無綫力捧，劇接劇令知名度急增，隨之而來是其ViuTV主持男友陳炳銓亦被大起底，不時被外間無情地評頭品足，討論兩人的收入及名氣。雖然幕前不時演出貪錢壞女人，但現實中的Ali卻愛得死心塌地，縱使口中未有高調認愛，仍義無反顧地經常去男友位於西貢的村屋玩同居試婚。

素顏苦讀劇本

日前下午4時多，不用開工的Ali獨自現身西貢一間Cafe，邊飲咖啡邊讀劇本。素顏的她戴眼鏡示人，抹去脂粉即時文青味十足，只見她埋頭苦讀劇本，相當認真。

讀完劇本後，Ali往附近的超級巿場入貨，由於當時較為多顧客，她急急戴帽掩人耳目。主婦上身的她挑選了Pizza、雞蛋、牛油及蔬果等大量食物，期間又踎又彎腰揀，睇得相當仔細。掃夠食物後，Ali往排隊付款，沒有帶備購物袋的她一於唔用袋，捧住戰利品即往附近的停車場取車，然後趕返歸餵飽男友，如此女友認真難得。

李佳芯放下無綫姐仔身段，低頭左揀右揀。	李佳芯冇帶環保袋，一手擸起戰利品就閃。	放大圖片

文、攝：追蹤組