蘇韻姿割瘤後復工 勤搽除疤膏

落選港姐蘇韻姿(Andrea)最近在無綫處境劇《開心速遞》中表現亮眼,但她早前發現其右頸顎骨位置長出巨瘤,所以請兩星期病假做手術。日前她開始復工,她指自己傷口康復進度良好,只是體力不如手術前,又感謝台前幕後的包容及配合:「服裝部搵樽領衫畀我着,攝影師又會幫手就位,有時佢哋會提我小心,唔好太大動作,費事整爆傷口。雖然同林淑敏冇乜對手戲,但佢好Nice,因為佢之前條頸都做過手術,所以提我戒口同搽嘢。(驚留疤?)勤力啲搽除疤膏應該會好,淡唔到可以用遮瑕膏。」

媽媽回港照顧

她又透露媽咪專程從加拿大到港照顧:「我都想帶佢食啲好嘢,但為咗就我戒口,都要陪我喺屋企食清淡嘢。」又笑指日前拍攝時誤食勁辣杯麵,搞到Cut機後立即衝出錄影廠灌水。另外,她日前與一眾《開心速遞》同事一齊為單立文(豹哥)慶祝生日。

文:影視組