44歲荷里活男星兼導演賓艾佛力（Ben Affleck），日前在Facebook自爆已完成秘密戒療，並公開多謝早前傳叫停離婚申請的「另一半」珍妮花嘉娜（Jennifer Garner）支持：「我已經完成咗戒酒療程；呢樣係我以前面對過、未來亦會繼續面對嘅事。我想充實生命，做最好嘅父親。我想我嘅細路明白，當你有需要嘅時候去求助，並唔係可恥嘅事，亦想鼓勵任何想求助但唔敢踏出第一步嘅人。我好幸運得到家人同朋友嘅愛護，包括我嘅另一邊家長，珍，佢一直支持我，同喺我接受緊我決定要做嘅戒療時，幫我湊住細路，呢個係一個良好康復療程好多步之中嘅第一步。」據知他兩周前出席奧斯卡頒獎禮後，轉頭就入戒療所，他於2001年亦曾戒酒。