杜汶澤仇家多驚節目埋唔到尾

杜汶澤出席活動介紹其擔任主持的新節目時,自爆節目找不到嘉賓,笑言請仇家的話就可找到幾百個。而同場的歐倩怡亦相當搏命,於台上即席試食蠶蛹、炸草蜢等「食物」!

藝人杜汶澤、林芊妤(Coffee)、黎燕珊、歐倩怡、衛詩雅、吳日言等昨日出席活動,分別介紹奇妙電視的新節目。阿澤將孭飛主持節目《杜汶澤食住上》,自嘲節目「埋唔到尾」,笑言:「電視台自己攞嚟!搵咗好多嘉賓都推咗我呀,佢哋都知我朋友少啦,你話請啲敵人,三百、幾百都做到啦!(擔心冇人睇?)你哋放心喎!我哋全部都係亞視出嚟,咪又係發咗達!」

Coffee即時彈開

而歐倩怡介紹節目時,大會安排蠶蛹、炸草蜢等食物,叫眾女藝人試食,歐倩怡爽快試食,反觀同場的Coffee一臉驚恐,身旁的歐錦棠作狀餵食,Coffee即時彈開!她說:「我咩都玩得,呢樣就唔得喇!」而黎燕珊將主持《潮拜傲媽》請來名人分享子女教育心得,透露將邀請陳寶珠做嘉賓。

衛詩雅驚媽咪催婚

而前主播方健儀參與拍攝的《帶阿媽去旅行2017》已經拍畢,現場播放的片花有不少感動位,她直言拍攝時多次爆喊,獲老公撐現「真性情」。衛詩雅亦將與媽媽赴外地為節目拍攝,她說:「家姐男友最近求婚成功,過程好感動,都驚阿媽問我婚事,依家好難講幾時結婚,要同佢開個會先得!」

文:影視組