梁漢文開騷又拍戲

歌手梁漢文應ViuTV之邀為最新派台歌《終身贊助》拍攝微電影,台前幕後昨午於尖沙咀拍攝,他透露一人分飾兩角,並找來黃心美及彭永琛等客串演出。梁漢文表示有意今年再開演唱會:「但應該唔會喺紅館搞,今次會帶畀大家比較冷門嘅作品。」談到《終》歌講及人情味,他感慨說:「依家香港真係好需要(人情味),入行咁多年發生好多事,好多人關心自己,一切在心中。(試過被潑冷水?)咁又冇。」約兩年沒拍電影的他透露正計劃年底「會合」楊千嬅及陳奕迅拍新戲:「華星三寶事隔近20年再結片緣,我哋三個好難唔拍喜劇囉!」