Dear Jane三缺一 Tim：Howie不嬲都囂！

前晚樂隊Dear Jane及RubberBand等演出音樂會，Dear Jane表示5月及7月將分別在廣州及澳門開騷。問到為何成員Howie缺席，三子表示：「佢幫朋友婚宴做兄弟。」正當以為Howie之前在頒獎禮得獎後變囂，Tim就笑言：「佢不嬲都囂，我教佢嘅！」有傳許廷鏗（Alfred）約滿星夢後會轉投華納，阿Tim表示：「有聽過傳聞，但冇問真定假。（咪多個靚仔同你爭飯食？）就係囉，講笑啫！之前我哋都有同Alfred做過歌，如果可以再合作應該會有新火花。」
Dear Jane三缺一上陣表演。
Dear Jane三缺一上陣表演。

而RubberBand成員阿正被問到可有為做歌手的太太做歌？阿正表示：「佢有一、兩首曲係我寫同監製，幫太太監製歌曲非常棘手。」6號和太太曾合作填詞，有人提議阿正和6號應和對方太太合作時，成員泥鯭即笑言：「咁咪即係換妻囉！」

Howie
  • Howie
RubberBand前晚為音樂會演出。
  • RubberBand前晚為音樂會演出。