現身美國惹哄動 陳靜受寵若驚

昨日女星陳靜(DaDa)現身美國三藩市舉行的「第35屆三藩市亞美電影節」,為其主演的電影《此情此刻》作代表,角逐「最佳電影」等獎項。昨日DaDa現身電影的試映會時引來全場哄動,令她受寵若驚!現場觀眾見到她現身,都感到十分驚喜,在試映會後紛紛主動上前集郵,同時她更接受多個媒體訪問。DaDa接受電話訪問時說:「完場後估唔到有咁多人叫我,冇諗過有咁多人認得出我,哈!佢哋好nice,同我影相或做訪問時,話睇過我嘅戲,又鼓勵我拍多啲好作品。最難忘係有人送咗個心形朱古力曲奇畀我!」

問到DaDa美國此行有否艷遇,她說:「哈,當然冇,因為時差問題,返到酒店到天光都瞓唔着,我都想爭取多啲時間周圍行吓,感受吓當地人嘅生活,因為近排要忙籌備新戲,好耐都冇去旅行!」