藝人河國榮突然在社交網上載兩張包紮着繃帶坐在病床的照片，並留言說：「手術成功！耳仔後邊的基底細胞癌今早切割了。多謝醫生和各位護士的照顧！」河國榮接受本報記者訪問，叫大家不用擔心，他說：「其實係舊年10月、11月發現右耳後面有舊嘢，唔小心整到會不斷流血，所以去咗睇醫生。」他指日前已完成個半小時的切割手術：「手術喺右邊耳仔後面割完之後，會有個約一毫子大細嘅傷口。（以後會避免曬太陽？）唔會，我好鍾意曬太陽，醫生叫我每日都要搽40度以上嘅防曬。我星期四先會復工，拍奇妙電視嘅《香港有寶証》。」

「基底細胞癌」是皮膚癌最常見的類型之一，是一種低度惡性腫瘤，若發現身上的痣在短期內迅速增大，或在破潰後重新長出新痣，這可能是「基底細胞癌」的先兆，須及時到醫院檢查。