鄺潔楹靠頂帽飾.遮素顏

無綫娛樂新聞台主播鄺潔楹(Judy)憑擔任節目《3日2夜》主持後人氣急升,更被封為「仙氣女神」。Judy擁有一張清純瓜子臉、人靚聲甜,節目中又以真性情演出,難怪連女網民都忍不住讚「真美女」!Judy平日不用工作,喜歡以休閒舒適的造型享受假期:「平時做嘢一定要化妝,放假梗係想畀皮膚休息吓!素顏嘅時候除咗戴太陽眼鏡,Cap帽就係最佳拍檔,髮型又唔使Set,相當方便!」Judy比較Girly,故Cap帽顏色主要以粉紅、白及黑色為主,而款式簡單亦不花巧:「我鍾意單色配搭,就算有圖案都係一啲字句。」

此外,Judy又鍾情配搭配飾,尤其玫瑰金色的手鏈及手鈪:「我比較鍾意優雅嘅,線條簡單,最多有啲閃石,低調得嚟又有亮點。」