陳嘉寶百厭妹撞爆玻璃櫃

現年27歲的藝人陳嘉寶（Anjaylia）外表清純，以往的齊蔭髮型更是其Icon，加上是虔誠基督徒，難怪在圈中被公認為乖乖女。不過，Anjaylia小時候原來相當百厭，活潑好動坐唔定，有次更打爛家中高至天花板的玻璃櫃，她說：「我好鍾意企喺櫈仔，然後對住塊鏡一人扮演幾個角色。最深刻係4、5歲時，有次唔小心撞咗落個櫃度，一層一層嘅玻璃層架冧晒，全屋都係玻璃碎！」結果當然畀母親鬧鑊甘：「因為自己比較論盡，媽咪唔畀我出去同其他小朋友玩，家姐又大我十幾年，所以細個通常自己同自己玩，扮『美少女戰士』都會扮埋『禮服蒙面俠』！」Anjaylia又表示喜愛扮演古裝片中，好人被壞人落毒一幕：「細個成日叫媽咪買麥提莎朱古力，我就扮英雄救美當粒朱古力係解藥，哈哈！」