方力申懷念回憶 愈講愈心酸

昨早任賢齊（小齊）、方力申（小方）與舊愛鄧麗欣（Stephy）齊齊出席於香港仔舉行的慈善活動。分手男女小方和Stephy同場非首次，但仍然表現「生外」，未知大會是否刻意安排，Stephy跟排球隊員、小齊和小方於不同時間出發，起步儀式前，更見Stephy僅跟跑手影相，而未有和小齊、小方合照。

從後搭舊愛左手

直至大會請三人上台，小方和Stephy初時貌合神離，不過Stephy有應小方要求與眾人自拍恭賀片給21連勝的曹星如，到主持鳴槍儀式，站在Stephy和小方之間是活動會長，兩人的左右手分別搭住會長膊頭，期間見小方的右手從後搭住Stephy的左手。Stephy先行受訪時談及小方比她遲15分鐘起步，：「睇吓途中會唔會遇見。（感觸？）順其自然。」她稱沒有難受，提到分手一周年，她認為時間過得很快：「有記者問我係咪放低咗，我覺得唔需要特別放低或者執着，大家順其自然過自己生活。」

一對過氣情人孖住任賢齊合照。	鄧麗欣興奮衝線，她率領的排球隊Loey以2小時29分完成比賽。	任賢齊和方力申鳴槍起步。

當小方被問到跑山時會否「力追」Stephy，他表示見到就見，又承認很少交流，因為感到不知所措。提到合照時有手部接觸，小方卻謂不知道。對於分手一周年，他同樣表示覺得時間過得很快，指粉絲對他們很長情。那他是否長情？小方說：「唔講咁多啦。（感觸？）梗係有啦。（心酸？）本來冇，你愈講愈有，唔好再講。人好多時係懷念回憶，多過懷念個人或者件事。人會move on，但回憶始終都會記得。冇得留住一個人，無論愛人定親人都好，諗番都係咁多年嘅回憶。」

小齊想去風月場所

同場的任賢齊最近在香港逛街為劇本取靈感，他自爆想到風月場所：「如果完成劇本，可以攞正牌去睇景。不過帶助手就好，有咩事賴畀佢。」

文：音樂組