周秀娜主演電影揚威大阪

周秀娜（Chrissie）、鄭欣宜主演的電影《29+1》，於昨日閉幕的「第12屆大阪亞洲電影節」獲得Audience Award，並由彭秀慧導演代表領獎。未有現身頒獎禮的Chrissie接受本報訪問，對於在一眾競賽電影中脫穎而出表現興奮：「冇諗過套戲可以去唔同地方，畀唔同觀眾欣賞之外，仲可以得到咁多人鍾意，呢件係更加值得開心嘅事。」更指拍攝該片時曾遇上不同難題，如拿捏角色時感壓力，劇組日以繼夜開工，絕對是鍛煉意志力，如今終可順利完成，實在戥導演及工作人員高興。而欣宜亦開心到眼濕濕，表示一部非大製作作品能夠衝出香港並獲得認同，絕對是為其打了一支強心針。