崔建邦激讚 真係世界級水準
藝人崔建邦（Amigo）稱廿多歲時，曾於球場看過曹星如及曹哥哥練拳，今次對方連贏21場賽事，Amigo亦有去捧場，很戥對方高興：「為佢驕傲！佢打得好好，真係世界級水準，佢嘅速度、密度同硬度都好好，同埋受完拳都堅持繼續比賽，令人佩服。」
Amigo於18歲開始打西洋拳，錄得六連勝的驕人紀錄，獲封「散打王」。早前他參加《E-1 World Championship 2017》拳賽，與英國15歲拳手激戰，期間更被打裂耳膜，但力戰四回合輸點數，雖敗猶榮。Amigo坦言應付比賽過程中獲不少啟發，賽前更隻身遠赴菲律賓特訓一個月，所捱的苦不少於曹星如。