唐詩詠揀老公最緊要舒服
被封為「最佳女友」的唐詩詠（Natalie）日前應化妝品牌邀請出席唇膏發布會，穿婚紗手持燈泡造型的花束進場化身新娘子，再由男化妝師為她塗上唇膏。
Natalie透露身上所穿的婚紗是自己精心挑選，並希望將來可親自設計婚紗，她說：「結婚係女仔嘅終身大事，所以需要好好考慮。我希望有一個開心、感動、溫馨又難忘嘅婚禮，儀式可以簡單，但係個妝一定要完美無瑕。」
Natalie指揀老公跟揀唇膏一樣，要相處舒服而且能配合自己性格，至於男友洪永城最近忙於拍劇，兩人靠傾電話維繫感情。Natalie自言平時甚少化妝，最着重唇妝：「之前陳展鵬曾經問過我點解嘴唇咁乾？自此之後，我就好注意唇膏質素同唇部護理。我覺得唇色可以一時野性一時純情，平日多數用粉紅唇膏，有時就會揀紅色嘅唇膏，畀驚喜男友。」