胡琳濕疹差啲抓爛面

歌手胡琳昨日到電台宣傳，爆瘡的她透露因壓力大搞到濕疹爆發，問到壓力來源，胡琳說：「要排音樂劇，公司幫我接咗套電視劇，原本5月出嘅英文碟要押後，加上開始做廣東歌。」自認「潺仔」的胡琳直認獲圈外男友呵番：「佢叫我休息多啲。」正以中醫調理身體的她直認爆瘡搞到情緒暴躁，日前更向男友「發老脾」，她說：「之前我（R）住面同佢講塊面就爛喇，佢都知我好躁。（驚唔驚佢飛你？）冇得驚，要互相遷就。（近排冇見？）有食飯，冇乜時間拍拖，感覺佢有怨氣，講嘢好晦氣，好彩互相體諒冇鬧交，但我心入面係咁鬧囉。」