張衞健霸氣大帥肉赤推Job

創造過不少收視神話的張衞健（Dicky），二十年後回巢為無綫拍攝五十周年台慶劇《大帥哥》，昨日以大軍閥霸氣造型示人的他，造型酷似1972年的電影《大軍閥》中的許冠文，但飾演「小帥哥」的洪永城竟敢以下犯上對Dicky說：「我細個發夢拍過《西遊記》，頭先見到Dicky忍唔住叫佢死猴子。」Dicky則愕然說：「你有份拍（口架）咩？」令洪永城頓顯尷尬。

未諗金句

Dicky被問到可滿意劇本，他說：「冇劇本一開始係完美，要一路拍一路調整，但都滿意。（有冇畀意見改？）佢哋希望我加啲嘢，但未試過未拍就諗定金句，希望拍時有靈感，原本冇預期外間反應咁大，依家有啲壓力，但太認真反而唔好。同埋依家開始肉赤因推咗好多job，數字唔好講喇。自己鍾意專心拍戲。」他又指第二次見拍檔蔡思貝，指她得意又可愛，他說：「我鍾意同新演員合作，好似以前同阿Sa（蔡卓妍）合作好開心，因為唔知佢會畀咩反應。」

一眾演員昨日為無綫五十周年台慶劇《大帥哥》試造型。	消瘦不少的楊秀惠（左）與譚凱琪一同為劇集試造型。	冇大冇細嘅洪永城竟敢對前輩張衞健「出言不遜」。

楊秀惠「裝假狗」

飾演革命黨員的思貝被問到會否感壓力大時笑說：「好期待，一直唔敢相信，今日見到Dicky都面紅。」而楊秀惠與譚凱琪同場出現，消瘦不少的楊秀惠為角色增肥，在劇中還要「裝假狗」，她說：「珍姐（曾勵珍）問我點解瘦咁多，今次會為劇集增肥10磅。（再演姣精角色喎！）上下都裝「假狗」，上面要升兩cup，pat pat要加墊。」

文：影視組