律師細佬入娛圈…… 方力申:憑咩?

歌手方力申(Alex)與父母及弟弟方圓明,以及黃秋生等昨出席藝術家任哲雕塑個人展覽,Alex弟弟罕有現身公開場合,原來任律師的細佬方圓明對藝術有興趣,更是首次任活動策劃人,33歲的方圓明尚未結婚,名副其實是城中筍盤。Alex說:「佢第一次搞大型展覽,我陪佢兩晚通宵幫手,要用機吊大型作品。」問到會否叫細佬入娛樂圈?他說:「憑咩?(靠家族個樣?)唔得,佢以前都有游水,食極唔肥係鋼條身形,依家唔得。(驚佢紅過你?)唔會,佢事業好好。」他更謂有20多件此藝術家的作品,已升值不少,入門價要20多萬。提到藝術品都幾大件,他笑言要買過萬呎村屋擺放,或者先畀錢後取貨。

同場的黃秋生23日將出席恩師鍾景輝80歲大壽,他透露花三小時寫好三張講稿,問到是否難寫過情信?他說:「邊有人寫情信,依家用message可以即刻delete ,不過呢啲message都好悶嘅,話好掛住你,對方回覆好似發夢咁,問你有冇樓……好愛你。」