甄子丹入場「宇宙車神」又唔Win
「宇宙最強」甄子丹與太太汪詩詩、蔡加讚與太太汪圓圓昨日現身馬場，齊捧子丹、加讚聯名的愛駒「宇宙車神」出賽，同場賽事還有洪金寶的愛駒「崇山寶」，眾人到場後先到沙圈為愛駒打氣，子丹更與洪金寶搭膊頭互相支持。子丹即將加盟拍攝改編自熱門動作冒險遊戲新片《Sleeping Dogs》，他指一切仍很初步。由於遊戲版有爆粗，到時他亦要講粗口？子丹說：「知道有粗口，未知劇本，搞好劇本先。」
根據過往紀錄，子丹不入場，愛駒便跑第一名，他入場愛駒則未能奪冠，昨日再次印證此事，致電詩詩問及此「狀況」時，她哈哈大笑說：「隻馬上一次跑嘅時候整傷咗，今次未復原，狀態未係咁好，冇咁幸運，但其實我哋之前都試過現場拉三次頭馬，不過子丹嗰陣去咗拍戲。（今次有冇失望？）冇，我哋鍾意跑馬，呢個係我哋嘅家庭活動。」
