陳慧琳小背心 80蚊有交易

相隔兩年再搞二手衫義賣活動，Kelly加倍認真落足心機，由店內每件衣物、傢俬、擺設，就連窗簾都是她一手一腳布置，而義賣的收益將全部撥捐予「陳慧琳兒童助學基金」。Kelly說：「今次啲衫儲咗兩年，有啲係兩個仔嘅衫同玩具，所以唔敢帶佢哋嚟，怕佢哋見到啲玩具唔捨得，又拎返屋企。（有冇啲小朋友衫唔捨得賣？）都有㗎 ，啲一件頭BB衫就最唔捨得，所以都有Keep起啲用相架裱起咗，等佢哋大個送番畀佢哋留念。」Kelly更拎起囝囝的外套不停索，盡顯她不捨之情。

唔信老公可減廿磅

據知現場不乏超低價筍貨，玩具5蚊就有交易，80蚊就有件Kelly綵排演唱會時着過的小背心，過百元起的名牌眼鏡及衞衣，Kelly坦言：「我定啲價好低，10蚊、20蚊都有。」問到可有拎老公衫出來義賣？她笑言：「佢啲衫好Vintage（古典）㗎 ，啲衫20年前嘅款仲着緊。」Kelly又爆老公和朋友打賭要在一個月內減20磅，最抵死是Kelly都不撐老公：「我買佢輸！（輸咗點罰呀？）輸咗要罰錢囉，咁我都想佢瘦嘅，靚仔啲，有番腰，不過依家佢用咗兩星期都減咗半個肚腩，但後面嗰兩星期先最難減。」

呢件Kelly着過嘅小背心只售80蚊咋！

落手落腳布置場地，Kelly真係好有心機。

同性戀不是罪

另外，說到電影真人版《美女與野獸》內加入同性戀題材，惹起不少家長有反對聲音，Kelly說：「其實依家個社會都好Open，最緊要知道自己要啲乜嘢，就算真係同性戀，都唔可以禁佢，或者要佢一定要鍾意異性，唔應該畀佢覺得係一種罪嚟。」

Kelly搵咗過千件靚衫出嚟義賣。

Kelly又捐出過百對鞋做慈善。

攝：鄭家俊

文：音樂組