阿倫暗寸彭健新唔夠靚仔

樂隊溫拿成員譚詠麟(阿倫)、鍾鎮濤、彭健新、陳友、葉智強和藝人惠英紅、王梓軒及陳家樂等,昨日出席新片《兄弟班》活動,電影講述溫拿年輕時的心路歷程,由1969年講到2016年,其中王梓軒飾演陳百祥的年輕版。活動上,阿倫風騷地逐一介紹飾演他們年輕版的演員,指着陳家樂笑說:「呢個做健仔(彭健新)喎,邊有咁靚仔呀,離晒譜!」彭健新就信心爆棚說:「選角一流,好似樣!」

陳友用三年寫劇本

阿倫笑言自己現在依然是「小鮮肉」,心態上更只有25歲。問到溫拿是否可控制劇本內容?阿倫說:「劇本經我哋審查,唔寫得嗰啲唔會出現喺劇本!」並透露他們主要參與攝製、劇本創作及宣傳。執導的陳友表示花了三年時間寫劇本,並說:「有23年冇拍戲,以前要對住部機去重睇啲片,依家睇Mon就得。」被阿倫揶揄:「嘩!咁你真係好耐冇拍過戲啦!」

文:影視組