鄭伊娜不停試菜有口福

藝人鄭伊娜（Ena）、可嵐及姚浩政早前相約食盆菜，Ena說：「唔怕話畀大家知，其實我係近年先愛上食盆菜，以前我係從未食過o架。後來有一次做慈善敬老盆菜宴，先知道盆菜原來咁好味，之後就愛上咗。最享受嗰種同成班朋友聚埋一齊，有好嘢齊齊食嘅喜慶感覺。唔怕話埋你知，細個我媽咪成日耐唔耐就幫我抹嘴，以為我個嘴污糟咗，其實我嘴角有粒食癦，所以我由細到大都好有口福！而且我有個煮嘢好叻嘅中醫師爸爸，所以我成日有健康藥膳食，入行後又有好多朋友開餐廳，搵我去試菜，又拍旅遊飲食節目咁，名副其實有口福。我唔單只對食有要求，對烹飪都有要求，平日都會喺屋企煮番幾味，有機會都想喺鏡頭前顯吓身手。」