霍世潔跨越時空新舊樂器crossover

曾與林憶蓮、張學友等多位巨星合作的「二胡大師」霍世潔，將於3月18及19日假香港文化中心舉行「霍世潔二胡友情音樂會」，向來喜歡新嘗試的她，今次會將二胡與新式樂器crossover，打造一個跨越時空的「對話」。她說：「二胡有一千年歷史，到時會同2001年新興、由瑞士傳過嚟嘅handpan、澳洲有上千年歷史嘅土著用嘅吹管樂器、中東嘅手鼓有個crossover嘅演出，咁古老嘅樂器同新式嘅樂器喺同一空間對話，好神奇，大家之前好少呢啲嘗試。」

「到死嗰日都要做」

玩樂器可以陶冶性情，霍世潔自10歲開始學二胡，她坦言曾多次想放棄，但拉二胡訓練到她的耐力及毅力：「我會話拉識呢首歌就唔拉，但過咗關之後就有更高層次嘅追求，變咗追到依家，玩咗中樂又想玩jazz，又想同唔同樂器玩。我哋依家呢個年紀，玩音樂都想多元化啲，同埋要將自己嘅樂曲upgrade，但呢啲係無止境嘅，可能到我死嗰日都要做。」

霍世潔認為拉二胡能訓練耐力。	黃秋生曾向霍世潔拜師學藝。	「二胡大師」霍世潔曾與林子祥合作。

與黃秋生亦師亦友

不少流行曲歌手開騷，均會邀請霍世潔擔任二胡配樂。提到與一眾巨星合作，她很高興能將二胡融入流行音樂，而且非常成功，每次合作亦非常深刻：「所有成功藝人嘅共通點係要勤力，好似林憶蓮，佢喺台灣演出時感冒，但都笑住表演，但佢擰轉面對住樂隊個樣其實好難受。」不少圈中藝人曾向她拜師學藝，其中一位更是影帝黃秋生。她坦言與對方關係亦師亦友：「大家依家變咗朋友，本來佢呢次都想嚟參加演出，佢想吹口琴，但佢呢排要拍戲，嚟唔到。」

場地：Hotel ICON 天外天

化妝：Meegan Seak

文：音樂組　

攝：吳文聰