樂基兒認男友結過婚

藝人楊紫瓊、樂基兒、任達華和名模太太琦琦、文詠珊、名人鄧鉅明等昨晚出席活動,樂基兒早前被指做小三及於新加坡秘婚,她澄清十年冇去新加坡亦冇結婚,不清楚是否得罪人:「大家有言論自由,唔一定個個都鍾意我,自己同朋友知我係點就得,唔會因而影響心情。」問到男友是否單身及有冇結過婚?她坦言:「佢結過婚,但已離婚七年,唔覺得咩大件事,我都結過婚。(有冇結婚打算?)我哋兩個都結過婚,呢分鐘講結婚太早。」

久未在港露面的楊紫瓊透露最近忙拍荷里活經典電影《星空奇遇記》,將飛約旦取景。提到當地政局不穩,擔不擔心危險?她說:「我哋一落機就有軍人保護,唔驚。(有幾多人保護?)每人都有六個軍人保護,係當地政府安排,知我哋喺嗰度拍戲。」她又稱與未婚夫各有各忙,已四、五星期沒見面。問到是否沒有時間籌備婚禮?她說:「係啊,手上仲有兩、三部電影,婚禮今年應該搞唔到。」